Дзяржаўная ўстанова «Мінскі абласны краязнаўчы музей»
Дзяржаўная ўстанова «Мінскі абласны краязнаўчы музей» створаны ў г. Маладзечна ў 1959 г. З 2006 г. працуе ў новым будынку. У верасні 2011 г. адкрыта новая экспазіцыя «Гісторыя Міншчыны са старажытных часоў да пачатку XX ст.», з 2013 г. — экспазіцыя «Прырода Міншчыны», галоўны праект 2022 г. — экспазіцыя «Памяць і боль Мінскай зямлі», прысвечаная генацыду беларускага народа ў гады Вялікай Айчыннай вайны.
Асноўны фонд музея па стане на 01.01.2024 налічвае 52 836 музейных прадметаў і размеркаваны па 36 фондавых калекцыях. Фонд навукова-дапаможных матэрыялаў налічвае 28 771 адзінку захоўвання.
Асаблівая ўвага надаецца працы з моладдзю.
Распрацоўваюцца новыя формы работы:
- квэст (знаёмства з экспазіцыяй музея з дапамогай лагічных ланцугоў заданняў) http://molodechno-mokm.museum.by/node/49516,
- квэст-экскурсія (сумяшчэнне двух відаў паслуг, экскурсія ў пэўны момант дапаўняецца адным з заданняў квэста, што дазваляе памяняць від у дзейнасці і пераключыць увагу) http://molodechno-mokm.museum.by/node/60820
- даведнік «Музейная прагулка» (самастойнае вывучэнне гісторыі роднага краю ў экспазіцыі музея) http://molodechno-mokm.museum.by/node/61568
- музейныя заняткі http://molodechno-mokm.museum.by/visitor
Больш падрабязную інфармацыю аб музеі, экспазіцыі, фондах і паслугах вы зможаце знайсці ў іншых раздзелах сайта «Наведвальніку» і «Афіша».