У сакавіку 2020 г. у музеі адкрылася абноўленая экспазіцыя "Прырода Міншчыны". Усе прадстаўленыя прыродныя комплексы "Возера", "Лес", "Балота", "Луг" маюць ландшафтны характар і аб'яднаны экалагічнай ідэяй. Навінкай сталі тэматычныя вітрыны "Птушкі ў горадзе" і "Падводныя насельнікі азёр".
Тут можна ўбачыць прадстаўнікоў шматлікіх відаў фауны Беларусі, а таксама рэдкіх, занесеных у Чырвоную кнігу Беларусі звяроў, птушак і паўзуноў.
Прасторавае рашэнне прадугледжвае знаходжанне гледача ўнутры кампазіцыі, дазваляючы не толькі добра разгледзець усе экспанаты, але і адчуць атмасферу жывой прыроды, пачуць спеў птушак ...
